રાજકોટથી TRP ગેમ ઝોન બાદ વધુ એક દુ:ખદ સમાચાર સામે આવ્યા છે. જે માતા-પિતા માટે લાલબત્તી સમાન કિસ્સો પણ છે. વિગતો મુજબ રાજકોટમાં સ્વિમિંગ પૂલમાં ડૂબી જવાથી 2 બાળકીના મોત થતાં પરિવારજનો શોકમાં ગરકાવ થઈ ગયા છે. મળતી માહિતી પ્રમાણે શિલ્પન ઓનેક્સ નામની બિલ્ડિંગના સ્વિમિંગ પુલમાં આ દુર્ઘટના બની હતી. અત્યાર સુધીની વિગતો મુજબ આ બંને બાળકી નેપાળી પરિવારની હોવાનું સામે આવ્યું છે.
રાજકોટમાં તાજેતરમાં ગેમઝોનમાં આગની દુર્ઘટના બાદ વધુ એક દુ:ખદ સમાચાર સામે આવ્યા છે. રાજકોટમાં આવેલ શિલ્પન ઓનેક્સ નામની બિલ્ડિંગના સ્વિમિંગ પૂલમાં નેપાળી પરિવારની 2 દીકરીના ડૂબી જવાથી એકાએક મોત થયા છે. અચાનક બાળકીઓના ડૂબી જવાથી મોતને લઈ પરિજનો શોકમાં ગરકાવ થયા છે.
પરિવાર તરફથી મળતી માહિતી મુજબ પ્રકૃતિ ગોકુલચાંદ અને મેનુકા પ્રકાશસિંઘ નામની બાળકીના મોત થયા છે. નોંધનીય છે કે, થોડા મહિના અગાઉ પણ નેપાળી પરિવારના પુત્રનું સ્વિમિંગ પૂલમાં ડૂબી જવાનાથી મૃત્યુ થયુ હતુ.
